Тілдер мерекесіне орай өткен "Тіл-елімнің болашағы"атты онкүндік

М.Төлебаев атындағы орта мектепте 10.09-20.09 аралығында «Тіл-елімнің болашағы» тақырыбында Қазақстан халықтарының Тілдері мерекесіне орай онкүндік өтті.
Осыған орай, бастауыш сыныптар аралығында 4 сынып жетекшісі Мауасова Л.М ұйымдастыруымен «Тілден артық қазына жоқ, Тілден артық қасиет жоқ» тақырыбында ертеңгілік өтті. Сыныптар толық қатысып, өздерінің дайындықтарын жоғары деңгейде көрсетті.
Қаратас Сабина, Мұратбек Кәусар, Бекен Тәтті, Хаджиева Седа, Хаджиев Саид мақал-мәтелдер, жаңылтпаш, өтірік өлең айту сайыстарынан жеңімпаз атанып, мақтау қағаздарымен марапатталды.
Қазақ тілі пәнінің мұғалімі Бажибаева К.У ұйымдастыруымен 5-8 сыныптар аралығында «Тіл-тірегім, соғып тұрған жүрегім» тақырыбында сайыс өткізілді. Жеңімпаз оқушылар, атап айтар болсақ, Құттыбек Д, Асхатқызы А, Мұратхан Д, Әлібек А, Түсіпхан М, Танатар А мақтау қағаздарымен марапатталды.
Орыс тілі, ағылшын тілі пәндерінің мұғалімі Болсамбеков Ж.М, Рахышева Г.О ұйымдастыруымен 10-11 сыныптар оқушыларымен «Бізге үштілділік қажет пе?» тақырыбында дөңгелек үстел ұйымдастырылды. 8-11 сыныптар арасында үздік қабырға газетін әзірлеген 11 сыныптың оқушылары марапатталды.
20-қыркүйек күні 7-11 сынып оқушыларынан «Астана-Бейбітшілік белгісі» тақырыбындағы диктант жұмысы алынды. Жұмыс тексеріліп, есебі ауданға жіберілді.
20.09 күні онкүндіктің жабылу салтанаты қазақ тілі мен әдебиеті пәнінің мұғалімі Мамыраимова О.К дайындауымен «Анамның тілі-ардақтым менің» тақырыбында өтті. 9-11 сынып оқушылары әр тілде өлең жолдарын, ғұламаларымыздың сөздерінен үзінді, «Тіл тағдыры» атты сахналық көрініс, әр ұлттың ән-биінен шашу дайындады.
Онкүндік барасында белсене қатысқан сыныптар, оқушылар мақтау қағазымен марапатталды.