ҰБТ туралы (жиналыс)

2019 жылы 6 мамыр күні мектеп әкімшілігі 11 сынып оқушыларымен және олардың ата-аналарымен ҰБТ-ның жаңа туындаған ережелерімен қайта таныстырды. 1-жиналыста ҰБТ-ге жылына 4 рет тапсыру жайлы айтылса, 2-жиналыста алып жүрген балдарына талдау жасалып, мүмкіндіктері жайлы тағы сөз қозғалды. 3-жиналыста ҰБТ тапсыратын түлектердің құжаттарына көңіл аудару керектігі айтылды.4-жиналыста наурыз айында болатын кезекті ҰБТ құжаттары тест орталығына өткізіліп, оқушылардың дайындығын және наурыз айында өтетін тестілеуге оқушылардың қатысуын қамтамасыз ету қарастырылды. Сонымен қатар аудандық білім бөлімінің бас маманы Бейтек Жасұланның қатысуымен оқушылардан сынама тест алынып, ата-аналармен жиналыс өткізілді. Жылдық жоспарға сай оқушылардан сынама тест алынып отыр, қосымша дайындық кестесі құрылған, сол кесте бойынша оқушылар дайындық жасауда.Бүгінгі жиналыста мектеп директоры Ж.Болсамбеков және оқу ісінің меңгерушісі Г.Амандосова 2019 жылы ЖОО қабылдауға қатысты ҰБТ ерекшеліктерімен бейіндік пәндердің топтарының тізбесімен оқушылар мен ата-аналарды тағы бір мәрте таныстырып өтті. Сонымен қатар көпбалалы отбасынан шыққан түлектерге арналған жеңілдік түрлерімен және 10 мамырға дейін тестілеуден бас тартқан оқушыларға қайта мүмкіндік бар екендігіне тоқтала кетті.